სექსუალური/რეპროდუქციული სამართალი: განპირობებულია ერთგვარი საკანონმდებლო/ნორმატიული ჩარჩოთი, რომელიც განმარტავს და აღიარებს სექსუალურ/რეპროდუქციულ უფლებებს, როგორც ფუნდამენტურს. რასა, კლასი, გენდერი და სექსუალური იდენტობა, ბევრ სხვა ფაქტორთან ერთად, გავლენას ახდენს სექსუალური და რეპროდუქციული უფლების სრულად გამოყენების შესაძლებლობაზე. საკანონმდებლო/ნორმატიული ჩარჩოს მიზანია ნებისიერ ადამიანს, ყველა ფაქტორისა და პირობის გათვალისწინებით, თანაბრად და თანასწორად მიუწვდებოდეს ხელი სექსუალურ/რეპროდუქციულ უფლებების გამოყენებაზე ყოველდღიურ ცხოვრებაში.

სექსუალური უფლებები: სექსუალობის გამოხატვისა და თანხმობაზე დაფუძნებული სექსუალური ურთიერთობის ქონის, ან არ ქონის უფლება, რომელიც მიმართულია სიამოვნების მიღებაზე და იცავს ადამიანს სხვადასხვა სახის დისკომფორტისა და ჯანმრთელობის გართულებებისგან. გამომდინარე იქიდან, რომ სექსუალობა ადამიანის პიროვნების განუყოფელი ნაწილია ყველა საზოგადოებაში, სექსუალობასთან დაკავშირებული უფლებების დაცვა უნდა იყოს ადამიანების ყოველდღიური არსებობის ნაწილი. სექსუალობა უნდა ვაღიაროთ, როგორც ცხოვრების პოზიტიური ასპექტი. ხოლო სექსუალური უფლება ადამიანის ფუნდამენტური უფლება, რომელიც დაფუძნებულია თავისუფლებაზე, ღირსებასა და თანასწორობაზე, რაც მოიაზრებს ადამიანის არჩევანის პატივისცემას.
რეპროდუქციული უფლებები: უკავშირდება ჩვენს ინდივიდუალურ თავისუფლებას, გადავწყვიტოთ ვიყოლიოთ თუ არა შვილი, როდის და როგორ. აღნიშნული ასევე მოიცავს ლეგალური და უსაფრთხო აბორტის უფლებას; კონტრაცეფციის გამოყენების უფლებას; უფლებას გვქონდეს ხელმისაწვდომობა მაღალი ხარისხის დედათა ჯანმრთელობასთან დაკავშირებულ სერვისებზე; განათლებაზე და ხარისხიან კონსულტაციაზე, რათა ყველა ადამიანს ჰქონდეს უფლება და შესაძლებლობა მიიღოს დამოუკიდებელი და ინფორმირებული არჩევანი.
წყარო: womenfundgeorgia.org/Files/WFG-SRHR-Handbook-GEO.pdf