Gürcüstanda yaşayan etnik azlıqların dövlət dilini bilməməsi hər zaman aktual problem olaraq qalır. Dövlət dilini mənimsəməmək öz növbəsində bir sıra problemlər yaradır. Beləki dövlət dilini bilməyən vətəndaş öz haqqını tələb edə, fikrini ifadə edə bilmir. Əvvəlki illərlə hal-hazırkı vəziyyəti müqayisə etsək görərik ki, indiki gənclər dövlət dilinə daha çox üstünlük verirlər, maksimum çalışırlar ki, gürcü dilini öyrənsinlər. Sevindirici haldır ki, artıq Gürcüstanda etnik azlıqların gürcü dilini öyrənməsi üçün aplikasiya mövcuddur. Tətbiqetmə hər kəs üçün əlçatandır və pulsuzdur.

Hər bir vətəndaş asan şəkildə “Anidabani” tətbiqetməsini telefonuna yükləyib, qeydiyyatdan keçdikdən sonra gürcü dilini öyrənə bilər. Aplikasiyada hər bir səviyyənin özünə aid tapşırıqları, qrammatika qaydaları və mətnləri mövcuddur. Həmçinin həmin tapşırıqlar və mətnlər azərbaycan dilinə tərcümə olunub. Tətbiqetmə yalnız bir məhdudiyyət var, oda yaxın zamanlarda aradan qaldırılacaq. Belə ki, hazırda aplikasiyanı yalnız Android istifadəçiləri telefona yükləyə bilər. Ios istifadəçiləri üçün əlçatan deyil.