26-29 ნოემბერს ყვარელში, იუსტიციის სასწავლო ცენტრში, „საფარის“ ორგანიზებით გაიმართა ტრენინგი ლგბტ აქტივისტებისთვის, მედიასთან კომუნიკაციის საკითხებზე.

შეხვედრები გაიმართა “მედიის უნარ-ჩვევების გაძლიერება ლგბტ ადამიანების უფლებათა დამცველებისთვის – სერბეთის გამოცდილების გაზიარება” პროექტის ფარგლებში, რომელსაც “საფარი” “Lawyer’s Committee for Human Rights” და “Human Rights House Belgrade”-თან ერთად ახორციელებს.

შეხვედრებზე მოწვეული იყო ორი სერბი ტრენერი, რომლებმაც მონაწილეებს სერბეთის გამოცდილება გაუზიარეს. ქართველი ტრენერების ფასილიტაციით, ორი დღე დაეთმო ჯგუფურ მუშაობას, სადაც მონაწილეებმა შეიმუშავეს სხვადასხვა ჯგუფებთან კომუნიკაციის სტრატეგიები.