2025 წლის 18 ივლისს საფარმა და სულხან-საბა ორბელიანის უნივერსიტეტმა თანამშრომლობის მემორანდუმს მოაწერეს ხელი.
შეთანხმება მიზნად ისახავს გრძელვადიანი პარტნიორობის განვითარებას, რომელიც ხელს შეუწყობს ადამიანის უფლებების დაცვასა და გენდერული თანასწორობის გაძლიერებას.თანამშრომლობის ფარგლებში, მხარეები ერთად იმუშავებენ:
ადამიანის უფლებებისა და გენდერული თანასწორობის მხარდაჭერაზე
აკადემიური კვლევების განხორციელებაზე
საგანმანათლებლო ტრენინგებსა და კონფერენციების ორგანიზებაზე
სასწავლო და სამეცნიერო ლიტერატურის შექმნასა და გავრცელებაზე
საფარისთვის ეს მემორანდუმი კიდევ ერთი ნაბიჯია სამოქალაქო საზოგადოების გაძლიერებისა და აკადემიურ სექტორთან მჭიდრო თანამშრომლობის გზაზე.
