ელენა ბლაგოდარნაიას საქმესთან დაკავშირებით სიახლეებია.
ალექსანდრე ჯინჭველაშვილის სისხლის სამართლის საქმეზე უზენაესმა სასამართლომ დააკმაყოფილა პროკურატურის საკასაციო საჩივარი და მას სასჯელი დაუმძიმა – 17-წლიანი პატიმრობა გაუზარდა 20 წლის პატიმრობით (ოჯახში ძალადობის, განსაკუთრებული სისასტიკით ჩადენილი განზრახ მკვლელობის, ასევე ორი პირის მიმართ მკვლელობის მცდელობის ფაქტზე ბრალდებულ პოლიციელ ალექსანდრე ჯინჭველაშვილს პირველი ინსტანციის სასამართლომ შეუფარდა 16 წლით თავისუფლების აღკვეთა, სააპელაციო სასამართლომ დაუმძიმა სასჯელი – შეუფარდა 17 წლით თავისუფლების აღკვეთა, ხოლო კასაციამ 20 წლამდე გაზარდა სასჯელი).
ელენა ბლაგოდარნაიას უკავშირდება ასევე სისხლის სამართლის მეორე საქმე, რომელიც აღიძრა იმ ორი პატრულ-ინსპექტორის – ლევან ვარდოსანიძისა და კახაბერ ხვედელიძის წინააღმდეგ. შემთხვევის დღეს, ისინი შემთხვევის ადგილზე გამოცხადდნენ. მათ თვალწინ ესროლა ალექსანდრე ჯინჭველაშვილმა ელენას და ელენას ყოფილ ქმარს მამუკა გაგნიძეს.
