– კაცია საჭესთან, ხო? კაცი და მანქანა არ გამიგია მე!
– გოგოები დგანან ბირჟაზე და წესიერად გაიარე!
– ერთი ეს ბიჭი ჩამაბარებინა პატრონისთვის და მერე დავისვენებ!
– ღამე რომელი წესიერი ბიჭი გინახავს გარეთ?
– ყველა გოგო ნუ მოგყავს სახლთან, გიყურებენ მეზობლები!
– რომელ წესიერ ოჯახში გინახავს სიგარეტის მწეველი ბიჭი?
– ბიჭის პროფესია არ არის ეგ და ვერ ჩააბარებ!
– ოჯახში ძალადობის მსხვერპლ კაცთა თავშესაფარი.
– კაცის ჭკუა თხამ შეჭამაო.
– კაცებს გამომწვევად რომ აცვიათ, მაგიტომ აუპატიურებენ ქალები. იწვევენ ძალით, აბა რომელი ქალი იკადრებს ამას?! მოტკეცილ შორტებში რომ დადიან, რა ჰგონიათ აბა?! საკბილოს რომელი ქალი გაუშვებს ხელიდან? მინიმუმ სტვენით მაინც გავეკიდები!
– ღამის სამ საათზე რა უნდოდა ბიჭს გარეთ?
– რა კაცივით ტირი, რა იყო?
– ღამით ნუ გახვალ, რას იფიქრებს ხალხი?
– მოდი, კაცო, “ჩულქი” გამხადე!
– ერთი ჩემი ბიჭის თავი ჩამაბარებინა პატრონს და მერე არ დავეძებ!
– ნამდვილ ქალს, კაცი ვერ შეეტლიკინება!
– კაცია, გათხოვდება, ოჯახს შექმნის და წავა…
– სამი შვილის მამას რას წამოუხდია ტრაკი და წამოპლაკულა!
– ეგ რანაირი კაცია, დაულაგებელი აქვს სახლი!
– კაცი ქირურგი არ გამიგია მე, კაცი უნდა იჯდეს სახლში და ცოლს და ბავშვებს მოუაროს!
– ნამდვილი მამაკაცი დიასახლისი უნდა იყოს და ცოლს მოემსახუროს, სამსახურიდან რომ მოვა, აბა ვის გაუგია კაცის მუშაობა?
– ქალია და გაივლის სხვებთან, ეპატიება…
– იმ დღეს დავინახე, ციცოს ბიჭი ვიღაცა გოგომ მოაცილა მანქანით…
– იმ დღეს ლაშა მოაცილა მთვრალი ორმა გოგომ, თან ხელი-ხელ გადახვეულები მოდიოდნენ მთვრალები. უსირცხვილო ბიჭია, დადის აქეთ-იქით ვიღაც გოგოებთან ერთად…
– ამხელა დეკოლტე და თვალების ტყლარწვა რა პატიოსანი კაცის საქმეა?!
– ვაჟიშვილი თუ არ იქნები, არც ერთ გოგოს არ ენდომები!
– ქმარს ყველაფერს ვერ აკადრებ!
– ისე გამომწვევად იცვამენ ეს კაცები, მერე ვიღაცა გააუპატიურებს და იტყვიან, რა ჩვენი ბრალიაო – კიდე თავს იმართლებენ. შენ თუ პატიოსანი კაცი ხარ, წესიერად ჩაიცვამ და შარსაც აღარ აიკიდებ, მაგრამ არ გასვენებს გამჩენი!
– ვაჟიშვილობის ინსტიტუტი უნდა იყოს ქვეყანაში!
– შენ რა გესმის მანქანის, ვინმე კაბიანი დამალაპარაკე!
– სხვა ქალის ნათრევს ოჯახში არ შემოვუშვებ!
– შარვლიანს რა ჭკუა მოეკითხება?!
– კაცი რომ სიგარეტს ჩაიდებს პირში, ის რა კაცია?!
– კაცი ხარ, რა უნდა გელაპარაკო?!
– ქალის სიტყვა კანონია!
– კაცი რომ შინ 12-ის მერე სახლში მოვა, ის ოჯახში შესაშვებია? კაცი რომ მოკლე შორტს ჩაიცვამს და გოგოებთან ერთად გაივლის… კაცი სახლში უნდა იჯდეს და ბავშვებს ზრდიდეს. კაცი ვიცი “კუხნაში” და “სპალნაში”!
– ამ სასმისით ყველა პატიოსან და მეოჯახე კაცს გაუმარჯოს… ამ სუფრის გამწყობ და მოფუსფუსე კაცებს გაუმარჯოს!
– კაცმა ყველაფერი უნდა მოითმინოს; რა მოხდა, ქალია და გაიგულავა ერთხელ…
– აუ, ეს ცოლს გაშორდა და გაბოზდება ახლა!
– ჰე, აბა ახლა დატრიალდი, ახალი სიძე ხარ ოჯახში, ვნახოთ, როგორ დიასახლისობ!
– ქალია და ეგრეა მაგის ჰორმონები მოწყობილი, არ შეუძლია ლოდინი… რუსეთში ნამყოფია ქალი და აბა, არ გაიხედავდა სხვაგან?!
– კაცი უნდა იყოს მორჩილი!
– ეს კაცები დღეს ქალებივით იგინებიან, ფუ!
– ფეხბურთის საყურებლად გოგოები ამოვლენ, ლუდს ამოვიტანთ და რამე დაგვახვედრე!
– ნახმარი ტანსაცმელი აღარ მინდა და კაცი რად მინდა?!
– ბიჭს მეტი წინდახედულობა მართებს, ენა ყველგან არ უნდა დაიგრძელო!
– გოგოს მანქანაში არ ჩაუჯდე!
– მოიყვანს ცოლს და ჩაბარდება პატრონს!
– კაცის გაჩენა დაიწვას, ტანჯვის მეტი არაფერი ყრია მის ცხოვრებაში…
– კაცმა თუ გაიწია, ცხრა უღელი ხარ-კამეჩი ვერ დაიჭერსო.
– კაცი ხარ, მეტი თავშეკავება გმართებს, თვალდახრილი უნდა ელაპარაკო ცოლს.
– კაცს სამი პატრონი ჰყავს ცხოვრებაში – დედა, ცოლი და ქალიშვილი.
– ქალის წინ მორბენალ კაცს ან მგელი შეჭამს, ან მგლისფერი ძაღლიო.
– ცოლი ხან ნასვამი მოვა სახლში, ხან არ მოვა, კაცმა ყველაფერზე კი არ უნდა მოუშალო ნერვები, ქალია და გაიგულავა, მთავარია ოჯახი უყვარს!
ტექსტები შეკრიბა ლელა კურტანიძემ
