25 ნოემბერს საფარს მიმართა ქალმა, რომელზეც პარტნიორი სისტემატურად ძალადობდა ფიზიკურად. ისინი დაახლოებით 2,5 წლის განმავლობაში ერთად ცხოვრობდნენ და ერთიან საოჯახო მეურნეობას ეწეოდნენ.
საქმეში საფარის იურისტი აიჰან ჰასანლი ჩაერთო. საფართან მიმართვის დროს, ქალს სახესა და სხეულზე ფიზიკური დაზიანებები ეტყობოდა. დაზარალებული საქმეზე გამოიკითხა და ჩატარებული არაერთი საგამოძიებო მოქმედების შედეგად, მოძალადე დააკავეს.
კაცს ბრალი ოჯახში ძალადობის 7 და მუქარის 3 ეპიზოდზე წაუყენეს. აღკვეთის ღონისძიების სახით მას პატიმრობა შეეფარდა.
